Psikoterapi dhe seanca psikologjike

Nga jashtë, ti dukesh mirë. Shkon në punë, takohesh me njerëz, u përgjigjesh mesazheve dhe bën gjithçka që bota pret prej teje.
Atëherë… pse ndihesh kaq bosh përbrenda? Kaq i lodhur?
Pse nuk je i lumtur?

Ti je personi që nuk dëshiron të bëhet barrë për askënd. Në heshtje, ti vazhdimisht dyshon nëse vlen mjaftueshëm. Jeton me frikën e vazhdueshme se po t’i njohin njerëzit pasiguritë apo gabimet e tua, ata thjesht do të largohen.

Nuk e fik dot trurin. Rianalizon çdo mesazh të dërguar, çdo bisedë të shkurtër dhe çdo shikim, duke bluajtur në kokë nëse ke thënë diçka të gabuar apo nëse dikush është mërzitur me ty.

Jeton me një ndjesi të vazhdueshme pritjeje, sikur diçka e keqe do të ndodhë nga momenti në moment, edhe kur çdo gjë rreth teje është e qetë.

Kur ke nevojë të pushosh, ndihesh në faj. Por nëse ndalon së bëri kaq shumë, tmerrohesh nga ajo që mund të ndjesh kur mbetesh në heshtje me veten.
Ke kaluar kaq shumë kohë duke u përpjekur të jesh “i padukshëm” ose “i përsosur” për të tjerët, por kjo të ka lënë të vetmuar në botën tënde të brendshme.

Nëse kjo të duket sikur po përshkruan jetën tënde, je në vendin e duhur.

Në takimet tona do të gjesh një hapësirë ku nuk ke nevojë të performosh, të justifikohesh apo të mbash gjithçka vetëm. Një vend ku mund të kuptosh më qartë çfarë ndodh brenda teje dhe të rikthehesh, gradualisht, në një marrëdhënie më të qetë me veten dhe me jetën.

Le të jemi të sinqertë, nëse teknikat e frymëmarrjes apo këshillat e instagramit do të mjaftonin, ti nuk do ishe duke lexuar këtë faqe tani. Çdo person është unik dhe për këtë arsye nuk ekziston një metodë e vetme që funksionon për të gjithë.

Për disa njerëz, është mirë që procesi i terapisë të mbështetet më shumë te psikoterapia klasike dhe reflektimi i thellë emocional. Për të tjerë, mund të jenë më të dobishme teknikat e NLP-së për të ndryshuar modele të vjetra; mindfulness-i për të krijuar më shumë qetësi dhe fokus në të tashmen ose hipnoza eriksoniane për të shfrytëzuar edhe potencialin e pavetëdijshëm të mendjes.

Vendimi për mënyrën se si do të punojmë ndërtohet së bashku që nga seanca e parë. Gjatë viteve, kam pasur privilegjin të jem dëshmitare e shumë historive njerëzore: pacientë që kanë ardhur të lodhur, të pasigurt ose pa besim se gjërat mund të ndryshojnë. Sot, shumë prej këtyre rrugëtimeve i shoh me krenari si histori suksesi.

Seancat zhvillohen në qendrën time në Tiranë ose online, përmes platformave të sigurta. Punoj në gjuhën shqipe me klientë në Shqipëri dhe diasporë, si edhe në gjuhën angleze me klientë ndërkombëtarë.