ShËrbime

Këshillimi

Mirësevjen!

Unë jam Fleura, një Psikologe Klinike dhe Hipnoterapiste e dedikuar të ndihmoj sa më shumë individë të arrijnë mirëqenie emocionale, rritje personale dhe marrëdhënie të shëndetshme. Faleminderit që po më konsideron mua të bëhem pjesë e rrugëtimit tënd drejt një jete më të lehtë e më përmbushëse.

Roli im në këtë rrugëtim është të mundësoj një hapësirë të sigurt dhe jo-gjykuese ku ti mund të eksplorosh mendimet, ndjenjat dhe qëllimet e tua. Bashkë, ne do të:

- - - Identifikojmë rrënjët e shqetësimeve të tua.
    - Zhvillojmë strategji praktike përballimi.
    - Kultivojmë vetëdije dhe aftësinë për t’u ngritur edhe më të fortë pas sfidave të jetës.
    - Përmirësojmë aftësitë për të komunikuar me asertivitet, për të ushqyer marrëdhënie të shëndetshme, etj.

Lër një takim

SHËRBIMET E KËSHILLIMIT

Trajtimi i Ankthit

Menaxhimi i stresit

Ankthi social

Teknika Mindfulness

aftësi intrapersonale

aftësi ndërpersonale

zhvillim personal

ndryshimet jetësore

vetë-imazhi

vetë-vlerësimi

prokrastinimi

Motivimi dhe Fuqizimi

Unë jam këtu për ty!

Të kërkosh ndihmë, është një hap i parë shumë i rëndësishëm. E kuptoj që mund të mos jetë aspak e lehtë. Ndaj edhe të përgëzoj shumë që je këtu!

Nëse po përballesh me gjendje ankthi, depresioni, frike, problematika në marrëdhënie, apo thjesht kërkon të njohësh më mirë veten e të rritesh si individ, unë jam këtu për të të mbështetur në çdo hap të rrugës.

Ky është momenti të marrësh veten tënde në dorë! Rezervo takimin tënd në nr. e kontaktit: +355 69 2199 836 ose kliko këtu për t’u ridrejtuar në Whatsapp.

Një seancë këshillimi zgjat 45-50 min dhe seancat mund të zhvillohen
Fizikisht & Online në varësi të kushteve dhe komoditetit tuaj.

Lër një takim

Qëllimi im është që ti të fuqizohesh, ndërkohë që pajisesh me mjetet e nevojshme që t’ia dalësh përballë sfidave në mënyrë të pavarur.

Free Audio

Testimonial

B.L. Testimony

Fleura ishte zgjedhja e duhur për mua në këshillim për dy arsye kryesore: Së pari është shumë e lehtë të flasësh me të rreth çështjeve personale. Së dyti seancat me të u bënë frymëzuese dhe kjo më ndihmoi të pranoj personin që jam. I rikthehem takimeve me Fleurën sa herë kam nevojë për këshilla të vyera.

B.L.

K.S Testimony

Eksperienca ime me Fleurën ka qenë shumë frytdhënëse. Fleura i trajton sesionet tona me respekt, kujdes dhe vlerë. Ajo krijon një mjedis jo-gjykues dhe ndihmon që t’i jepet kuptim asaj që mund të duket e rrëmujshme apo kaotike. Në këtë sens puna me Fleurën ka qenë shumë çliruese. Qasja e saj ndaj meje ka qenë e përshtatur me nevojat dhe ndjeshmëritë e mia duke më drejtuar dhe lejuar rritje emocionale, shpirtërore, psikologjike dhe shëndet. Pas çdo seance mund të ndieja rezultatet dhe mezi e prisja takimin e rradhës, bonus gjithashtu është sensi i saj i humorit.

K.S, Këshillim

O.H Testimony

Fleura është një terapiste shumë profesionale. Ajo më ndihmoi të kaloj problemet e mia personale, të ndërtoj vetë-besimin dhe të kuptoj më mirë ata që më rrethojnë, gjë e cila ka bërë një ndryshim pozitiv drastik tek unë.

O.H.

I.G. Testimony

Pas seancave të këshillimit me Fleurën ndihem komplet një njeri tjetër. Nuk kam më atake paniku, kam filluar të besoj në veten time dhe t’i bëj gjërat për veten time. Fleurën e ndjeva si personin e parë që ka kuptuar atë çfarë kam dashur të them.

I.G.

S.A. Testimony

Kur e takova Fleurën për herë të parë, nuk isha në gjendje të merrja vendime dhe ato që merrja nuk ishin të duhurat për mua. Isha duke kaluar një periudhë të keqe pas mbarimit të një lidhjeje 5-vjeçare. Braktisja nga partneri solli tek unë shumë pasiguri. Me ndihmën e Fleurës unë pata mundësinë të reflektoja për mirë në zgjedhjet e mia dhe të mund të përballoja problemet kur shfaqeshin. Tani jam më e lumtur, më e pavarur dhe me më shumë vetëbesim.