Dashuria konsiderohet si ndjenjë e dalë nga zemra dhe e ardhur nga shpirti, ndërsa obsesioni shikohet si ndjenjë “çmendurie”. Edhe pse dashuria dhe obsesioni kanë element të përbashkët ato nuk mund të jenë asnjëherë e njëjta gjë.
Dashuria është ndjenjë, një emocion i brendshëm që një njeri e përjeton dhe i rrjedh natyrshëm për dikë tjetër. Dashuria ka brenda vetes dëshirën për t’u kujdesur, për suport dhe për të dhënë pa kushte, ndërsa obsesioni është vetëm një ide fikse kur personi nuk mund të mendojë dhe të përjetojë afeksion.
Mos të harrojmë se dashura është ajo ndjenja kur njeriu dëshiron më të mirën për atë që dashuron, dëshiron ta shikojë të lumtur edhe nëse ai/ajo nuk është pjesë e jetës së tij/saj. Në të kundërt obsesion dëshiron tjetrin ta posedojë vetëm për vete dhe dëshiron ta ketë të dashurin/dashurën gjatë gjithë ditës përkrah vetes.
Ai që dashuron i jep prioritet ndjenjave dhe dëshirave të tjetrit, ndërsa personi posesiv shqetësohet vetëm për ndjenjat e veta. Dashuria e bën dikë të bukur, ndërsa atë që është obsesiv e bën të duket “i besdisshëm” në sy të të tjerëve.
Dihet që në dashuri njeriu ndihet i lirë dhe merr frymë lirisht, mirëpo nëse është i kondicionuar nga tjetri ndihet totalisht i burgosur në kafazin e krijuar mendërisht prej tjetrit.
Në emër të dashurisë edhe xhelozisë i jepet ngjyrim i bukur, por kur dy njerëz dashurojnë ata kanë besim te njëri – tjetri, ndërsa me personin obsesiv ndodh ndryshe, ai do të dijë çdo detaj te jetës së tjetrit sepse mungesa e besimit është pika që bën të calojë kjo marrëdhënie.
Fatëkeqsisht, dashurisë obsesionale i është dhënë konotacion pozitiv duke e quajtur dashuri romantike në romane, media apo filma. Të gjithë i referohemi Romeos dhe Xhulietës si martirë të dashurisë…
Në fillim të një marrëdhënieje duam që të ndihemi një me personin e dashuruar, por ndërsa këto ndjenja fillojnë të bëhen të lodhshme për njërin nga partnerët, atëherë fillon obsesion dhe ti ndien se po të shkurtohet frymëmarrja, se hapsira jote është kufizuar dhe se mendimet e tua po kontrollohen. Dashuria obsesionale është mbytëse dhe torturuese. Asnjëherë nuk e di se si të sillesh sepse në të gjitha mënyrat je gabim; ti nuk je më vetvetja dhe dëshiron të qetësohesh nga ky makth duke u përpjekur të gjesh mënyrën e duhur për të bindur partnerin/partneren.
| Dashuri e shëndetshme | Dashuri jo e shëndetshme |
| Respekt për veten
Hapsirë për t’u rritur si emocion, i përbashkët
Hapsirë dhe liri për të takuar edhe njerz të tjerë, miq e të afërm
Dëshirë për partnerin që të ketë siguri te vetja
Besim në marrëdhënie dhe te partneri
Bashkëpunim, kompromis dhe zgjidhje e problemeve së bashku
Liri në intimitetin e partnerit
Marrëdhënia e shëndosh përballet më të gjitha aspekter e jetës reale
Kujdes për veten; gjendja emocionale nuk varet nga ajo e partnerit
Dashuri dhe jo zgjatim i tjetrit
Seksi është pasion dhe shprehje e dashurisë
Dëshirë për të kaluar edhe momente vetëm
Jetë rreth një cikli dashurie, sigurie dhe përmbushjeje
Komunikim dhe biseda të bazuara në mirëkuptim | I/e obsesionuar me marrëdhënien
Dëshirë për siguri, kërkesë për të vërtetuar dashurinë si rezultat i frikës së humbjes së objektit të dashurisë dhe frikës nga vetmia
Përfshirje totale, jetë sociale e limituar, lënie pas dore e miqëve dhe njerëzve të dashur.
Frikë nga ndryshimet e partnerit
Xhelozi, posesivitet dhe frikë nga kompeticioni,
Fajësimi i tjetrit, manipulim pasiv ose agresiv
Përpjekje për të ndryshyshuar imazhin e tjetrit
Marrëdhënia bazohet në iluzione dhe shmangien e ngjarjeve të padëshirueshme
Pritshmëria se partneri është ai që duhet t’i zgjidhi problemet
Konfuzion, i obsesionuar me ndjenjat dhe problemet e tjetrit
Presion për marrëdhënie seksuale nga frika, pasiguria dhe nevoja e menjëherëshme për konfirmim
Pamundësi për të përballuar ndarjen (për një periudhë të shkurtër)
Jetë rreth një cikli dhimbjeje dhe zhgënjimi
Biseda të bazuara në akuza, mbrojtje ose manipulim |